تعبانه جدااااااا ووحشتونى جدااااا

ازيكم يا احلى اعضاء فى المنتدى وحشتووووووووووونى جدااااااا
مخنوقه جدا وامتحاناتى فاضلها 22 يوم وحسيت انى مش قادره اذاكر وعايزه اتكلم مع حد
قولت افتح المنتدى واتكلم معاكم شويه ما انتم هنا اخواتى برضه انا مش بكتب موضوع انا
بطلع اللى جوايا انا فعلا مخنوقه الموت ابشع حاجه ممكن تحصل لأ اللى بيموت بيرتاح
لكن اللى حواليه هما اللى بيتعبوا الفراق صعب اوى يوم 2 /11 اللى فات من شهر بابايا
اتوفى اصعب موقف حصلى فى حياتى قبل ما يتوفى ب 10 دقايق كان معانا مش كان
بيشتكى من اى حاجه سبحان الله بجد احساس صعب اوى بحبه اوى ومش قادره اكمل
من غيره وتعبت تعبت لانه غاب شهر هكمل ازاى بعدها مش عارفه كلام الدنيا كلها مش
يكفى عشان اتكلم عنه واقول اد ايه هو كان حنين وكان بيحبنى انا اصغر اخواتى مش حاسه
ان ليا حد فى الدنيا مع ان كلهم حواليا بس انا عايزاه هو ومن كتر التفكير بجد حلمت انه
رجع وده مستحيل مش فى ايدى غير انى ادعيلى ربنا يرحمه ويجعل مثواه الجنه
انا اسفه للاطاله ولو كنت نكدت عليكم وضايقتكم وياريت اللى يقرأ الموضوع
يدعيله بجد هو حد طيب اوى ويستاهل ربنا يرحم جميع اموات المسلمين

حقيقي يا بوسي انا مش عارف اقول ايه او مش قادر اقولك حاجه
اللي انتي فيه مش سهل لكن صعب اوي بس الصعب عمرو ما بيستمر
شدي حيلك يا بوسي وربنا معاكي والله يرحم والدك
وبعدين انتي لازم تكوني اقوي من كدا ولازم تعرفي ان دي كانت امانه ولازم كانت ترجع لصاحبها

واحنا هنا كلنا اخواتك ومعاكي في وقت اما تحتاجينا وفي وقت اما تكونيش محتاجانا بردك

بحاول اكون قويه يا بودى بس مش قادره احساس صعب جدا وخصوصا ان دلوعه بابا خاااااااالص ومرتبطه بيهجامد غير انه مات قدام عنيا بالرغم ان قبلها كان كويس خااااااااااااااااااااالص ربنا يرحمه ويرحمنى وشكرا ليك يا بودى ويارب مش اكون نكدت عليك

ربنا يصبر قلبك
واعرفي كويس انك البنت الصالحه الليلازم تدعو له بالرحمه والمغفرة
والله كلامك فعلا يبكي ،، بس حكمة المولى عز وجل
كلناهنا ف الدنيا ضيووف و عابر سبيل يا بوسي يااقلبي .. رحلة لبنا جميعا
فتزودي بزاد لتقوى ما استطعتي
وباذن الله مع الوقت الحزن ربنا سبحانه و تعالى هيقلله شيئا فشيئا
ربنا يربط الصبر على قلبك الجميل

شدي حيلك ياابوسي وربنا يارب يصبركم ويصبر مامتك ويرحم والدك ويدخله فسيح جناته ويثبته عند السؤوال يارب

واحنا هنا اخوواتك ومعاكي في كل وقت ان شااء الله

زائر

معلش والله انا النت كان مفصول بقاله تلت اشهر
ربنا معاكى يا بوسى والباقى لله
افتكريه دايما وادعيله وهو هيبقى معاكى وقريب منك
واياك تياسى ابدا عشان هو دايما شايفك
لازم تحققى الحاجه الى كان بيتمناها وهو انه يشوفك سعيدة
واسفه عن تاخرى مرة تانيه

صح يااجوووووليت كلامك مظبوووووووط لانه هو ميقدرش يشووفك في الحاله دي لازم تححققي الحاجه اللي هو كان نفسه يشووفك فيها وكمان هو دلوقتي ان شااء الله هيكون ف الجنه ولو انتي قولتبله ارجعلي مش هيرضي لان هو عند اللي احسن من اي حد خلي بالك من نفسك يااقمر واحنا دايما معاكي

اميره جوليت ميرسى جدا ليكم انا مش معترضه على حكم ربنا بس الفراق صعب وهو بيوحشنى ربنا يرحمه وانا فعلا بدعيله على طول وبذاكر عشان انجح لانه هو بيحبنى اكون ناجحه مش تعتذرى يا جوليت انا لسه كاتبه الموضوع من فتره بسيطه لانى مش كنت بدخل نت ومحدش هناكان يعرف شكرا ليكم يا اعز واحلى اخواااااااااااااات

» حاجة بسيطة جدااااااا
» يا جماعة هام جدااااا