فضفضة (اسئله وإجابة)

انا هشام المهدى ياريت تجاوبونى منتظر اجابتكم كلكم

بص يا هشام كتر اوى نثق فى ناس ونكون فاكرنهم يستحقه الثقه لكن هم مش اهل للثقه ديه وبتبقى خسارة فيهم
يبقى قدامك بيحبك وهو من جواه كرهك ومستنى الفرصه الى يضربك فيها الضربه القاضيه
ويوم لما يلقيك فى شدتك يتخلى عنك ويقولك انا معزور بس اعرف ان ده خاين
وعمره ما ينفع يكون صاحب ليك ولا يكون اهل لصداقتك او اتمانك
بس مش معنى كده ان مفيش صاحب بجد لا فيه وصاحب بجد
بس اكيد لازم تعرف مين هو وتعرفه انك محتاج لصداقته
والاجمل ان يكون جانب صداقتك حد يكون بيحبك يشاركك احزانك والامك ويخففها عنك

وانك تكون طيب ده مش عيب العيب انك تخلى الى قدامك يفهم ان طبتك هى ضعفك
لانه ساعتها هيحاول يدخلك منها بس مش عشان يثبت حب لا عشان يمنعك انك تشوف غدره
الطيبه حاجه جميلة بس لازم جانبها يكون عندك ولو 10%من المكر عشان تعرف ازاى بيفكر الى قدامك
مثلا الثعلب بيستخدم مكره لحماية نفسه وديه حاجه ايجابيه
وبيستخدمه برده فى الايقاع بفرسته وده السالبى
وانته لازم تفكر فى الايجابى والسالبى وبعد كده خد الى يفيدك فى معرفة شخصية الى قدامك
ويوم متعرف تفكر كده هتعرف مين هو الصاحب المخلص من الغدار
مين الحبيب من الخاين



ويارب مكونش طولت عليك ويارب مشاركتى تكون عجبتك

ميرسى خالص على الرد بس خلاص
انا حاولت اعود نفسى انى محتجشى حاجه من صحابى ولا اعتبرهم موجودين فى حياتى خصوصاًانا داخل تالته ثانوى مش محتاج حد غير ربنا يقف جمبى علشان ادخل كليه كويس وصحابى هما ألى يتمنوا يصاحبونى
ثم انى بعود نفسى اكون شديد ووحش حتى لو انا مش كده علشان زى ما انا تعبت من صحابى وكرهونى دنيتى
انا كمان قررت اكون الانسان ألى هيعقدهم فى حياتهم وابقى غلطه عمرهم
انا عارف انى هكون وحش بس ده هيخلينى كويس لانى هكون رديت جزء من ألى عملوة فيا

لالالا كده غلط متحول تدور على الانتقام بانك تكون واحد غير نفسك شخص انته مش هتحبه ولا غيرك يحبه
ولو صاحبك غدرين فخليك انته احسن الرسول الكريم عليه السلام وصانا اننا نرد السيئة بالحسنة
وانته خليك الاحسن عشان ربنا يوهبلك الى انته عايزوه
ياريت تسمع نصحتى ومضيعش نفسك لانك طبعك جميل متحولش تغيره

انا معاكى
بس الانسان لما بيفضل يدى ومش يلاقى بيتعب
ولما بيفضل يقول انا هكون احسن بيتعب خالص وبيتدمر
لانه بيكون ادى كل ألى عنده ومستنى هياخد ايه حتى ولو تقدير بالكلمه

معاك حق بس انته ممكن تغير اصحاك وتلاقى الاحسن منهم
وساعتها هتخليهم يتمنوا صحبيتك بس من غير ما تغير طبعك